Годишната стапка на инфлација во Германија, според прелиминарната проценка, се зголеми од ноемвриските 2,2 на 2,6 отсто во декември, објави вчера германската Федерална статистичка служба (Дестатис).
Растот на инфлацијата во Германија, кој сега е највисока во последните 11 месеци, ги надмина очекувањата на експертите кои очекуваа дека ќе скокне на 2,4 отсто.
Цените на услугите се зголемени за 4,1 отсто на годишно ниво, а на храната за два отсто, и во двата случаи со побрзо темпо од ноември.
Спротивно на тоа, цените на енергијата паднаа за 1,7 отсто на годишно ниво, со значително побавно темпо од ноември, кога паднаа за 3,7 отсто на годишно ниво.
На месечно ниво цените во Германија се зголемени за 0,4 отсто во однос на ноември.
Годишната стапка на базичната инфлација во Германија, исто така, порасна од три проценти во ноември на 3,1 проценти во декември, според веб-страницата „Дестатис“.
Според очекувањата, просечната стапка на инфлација во Германија за цела 2024 година ќе изнесува 2,2 отсто.
