На патиштата во Норвешка за прв пат во историјата има повеќе електрични автомобили отколку автомобили на бензин, објави денеска Норвешкиот совет за информирање за патниот сообраќај (OFV).
Според извештаите, до денес во Норвешка се регистрирани 2,8 милиони патнички автомобили, од кои 754.303 се електрични автомобили, а 753.905 се на бензин.
Ова е историска пресвртница што малкуминаможеле да ја претпоставт пред десет години, коментира директорот на ОФВ Ојвинд Солберг Торсен.
Во Норвешка има уште еден милион регистрирани патнички автомобили со дизел мотори, но нивниот број исто така постепено се намалува.
Торсен верува дека до 2026 година бројот на електрични автомобили во Норвешка ќе го надмине бројот на автомобили со дизел мотори, се наведува на веб-страницата на ОВФ.
