Косовската дијаспора испратила 513,99 милиони евра на Косово од јануари до мај, покажуваат објавените податоци од Централната банка на Косово (ЦБК).
Според податоците на ЦБК, локалната дијаспора само во мај испратила повеќе од 119 милиони евра, пренесува агенцијата Бета.
Во повеќе од 55 проценти од случаите дознаките од дијаспората се вршени преку небанкарски финансиски институции, додека трансакциите преку банките учествуваат само со 15 проценти од трансферите.
Според податоците на ЦБК, вредноста на имотот на осигурителните компании во мај изнесуваа 318,62 милиони евра, што е, како што се наведува, зголемување за 1,62 милиони евра во однос на претходниот месец.
Имотот на другите финансиски посредници на крајот на мај се зголеми за 11,42 милиони евра и достигна вредност од 583,67 милиони евра.
