Забраната за извоз на бензин од Русија за сите учесници на пазарот, односно за производителите, се планира да се воведе на 1 април, објави денес Интерфакс, повикувајќи се на неколку добро информирани извори.
Изворите наведоа дека оваа одлука е донесена на состанок што денес го одржал потпретседателот на руската влада, Александар Новак, со менаџерите на нафтените компании.
Според изворите, времетраењето на забраната не било дискутирано, додека еден извор на Интерфакс посочил дека забраната ќе трае до три месеци.
Изворите наведоа дека евентуалната забрана за извоз на дизел сè уште не е разгледана.
Добро информирани извори во среда изјавија дека руските власти размислуваат повторно да воведат забрана за извоз на бензин до производителите.
Забраната за извоз на бензин и дизел гориво од Русија важи до 31 јули оваа година само за оние кои не се производители.
Новак претходно на состанок на Министерството за енергетика изјави дека Русија мора да преземе итни мерки за да обезбеди дека домашниот пазар има доволно гориво во услови на глобална енергетска криза.
