Просечната цена на продадените нови станови во Федерацијата БиХ во четвртиот квартал од минатата година изнесуваше 3.101 конвертибилна марка (КМ) за метар квадратен.
Таа е за 14,5 отсто повисока од истиот квартал лани, а за 19,5 отсто повисока од просечната цена на продадените нови станови во 2023 година.
Најскапите станови во новите згради и натаму се во Сараево, па просечната цена на продадените нови станови во овој град во четвртиот квартал изнесувала 3.694 КМ, а во другите општини во Федерацијата Босна и Херцеговина 2.721 КМ по квадратен метар, објави Федералниот завод за статистика.
Во ФБиХ, бројот на продадени нови станови во четвртиот квартал од 2024 година изнесува 278, што е за 12,7 отсто поголем од просечниот број на нови продадени станови во 2023 година и за 2,8 отсто помал од истиот квартал од 2023 година.
Корисната површина на продадените нови станови во четвртиот квартал изнесува 15.446 метри квадратни, што е за 1,1 отсто помала од просечната корисна површина во 2023 година и за 4,1 отсто поголема од истиот квартал од 2023 година, пренесува Срна.
