Турција се повеќе увезува стоки од други земји, а потоа ги извезува во Русија како стоки со двојна употреба, пишува Фајненшл тајмс (ФТ) повикувајќи се на извори.
Овие производи вклучуваат микрочипови, телекомуникациска опрема и компоненти, телескопски цевки и друго.
Предметната стока е предмет на извозна контрола во САД, ЕУ, Велика Британија и Јапонија и не може директно да се извезува поради санкции.
Американските власти се загрижени поради овој извоз во Русија, за што, според агенцијата, сведочи и американскиот заменик министер за финансии Брајан Нелсон, специјалист за следење на финансирање тероризам и кршење на прописите за извоз, кој пред неколку дена ја посети Турција.
Според ФТ, Турција во првите девет месеци од 2023 година извезла 45 видови стоки со двојна употреба во Русија и во пет земји од Заедницата на независни држави (ЗНД). Вкупната вредност на извезената стока е тројно зголемена во однос на истиот период од 2022 година и изнесува 158 милиони долари.
