Шведската компанија Zinzino, која произведува персонализирани природни суплементи врз основа на тестови и директно ги продава, објави дека започнала со работа во Србија.
Производите на Zinzino, меѓу кои се домашните тестови за проверка на витаминскиот статус на организмот, разни суплементи, но и козметика, веќе се присутни на српскиот пазар преку независни партнери.
„Регионите на Балканот и Југоисточна Европа го претставуваат стратешкиот следен чекор во планот на компанијата да ја прошири својата база на клиенти на меѓународниот пазар. Лансирањето ќе им овозможи на независните партнери (дистрибутери) на Zinzino да продолжат да го градат брендот на локално и на глобално ниво“, објави компанијата.
Zinzino очекува лансирањето на брендот во Србија да го стимулира растот на продажбата во соседните земји од балканскиот регион.
Со лансирањето на брендот во Србија, Zinzino е активен на повеќе од 100 пазари, а планот на шведската компанија е да достигне еден милион клиенти до 2025 година, односно 20 милиони до 2035 година.
