Во Грција стапи на сила одлуката за зголемување на цените на таксата за туристите, донесена со цел да се генерираат приходи за подобрување на инфраструктурата и промовирање на одржлив туризам по природни катастрофи, а поскапувањата ќе бидат од 50 центи до 5 евра.
Порталот „Шенген њуз“ објави дека во 2025 година туристите во Грција ќе плаќаат дневен данок од 2 евра наместо досегашните 0,5 евра, а за време на ударниот дел од туристичката сезона, од април до октомври, оваа такса ќе изнесува 8 евра.
Според одлуката, во периодот од април до октомври за хотели со една и две ѕвезди и за соби за изнајмување таксата ќе биде 2 евра наспроти 1,5 евро лани.
Надоместокот за хотелите со три ѕвезди ќе поскапи за две евра, за хотелите со четири ѕвезди 10 евра наместо досегашните 7, а најголемо поскапување има за хотелите и вилите со пет ѕвезди, за кои наместо 10 ќе се плаќаат педесет евра.
За сместување во Airbnb таксата се зголемува од половина евро на 2 евра во зимските месеци и од 1,50 на 8 евра во летните месеци.
Промените на цените во септември ги најави грчкиот премиер Киријакос Мицотакис, наведувајќи дека очекуваниот приход од 600 милиони евра ќе биде насочен кон фондот за санација на штетите предизвикани од климатските промени.
