Покрај неодамна објавените планови за зголемување на операциите кон Загреб од четиринаесет на осумнаесет неделно, турски ќе ги зголеми и услугите до својата втора дестинација во Хрватска – Дубровник – од пет неделни ротации во текот на летото 2023 година на дневни. Дополнителна услуга во понеделник и среда ќе биде воведена од 31 март.
„Туркиш ерлајнс“ ќе ги зголеми летовите од Истанбул и до Подгорица и до Тиват, откако претходно оваа година потпиша Меморандум за разбирање со „Ер Монтенегро“, што ќе им овозможи на двата национални авиопревозници да ги зголемат своите фреквенции меѓусебно на пазарите, пишува „Екс-ју авијација њуз“.
Турскиот авиопревозник првично ќе ги зголеми летовите меѓу Истанбул и Подгорица од два пати дневно на седумнаесет неделно, а од средината на август ќе се зголеми на осумнаесет неделно. Слично, ќе ја зголеми фреквенцијата на летови до Тиват, кои ги започна летово, од шест неделно на девет неделно, а од средината на август на десет неделно.
Превозникот, исто така, ќе ги прошири своите операции во Сараево со додавање дополнителна неделна ротација за вкупно 21 лет неделно. И покрај разговорите меѓу Туркиш ерлајнс и властите на аеродромот во Бања Лука, авиопревозникот го отфрли воведувањето на својата втора дестинација во Босна и Херцеговина.
„Има комерцијални и структурни проценки на аеродромот и аеродромот сè уште работи на тоа. Сепак, немаме планови да започнеме операции до или од аеродромот во Бања Лука на краток рок“, велат од „Туркиш ерлајнс“.
Коментирајќи го дополнително своето присуство во регионот, авиопревозникот рече: „Со неодамнешното започнување на летовите до Тиват, вкупниот број на дестинации во целиот балкански регион достигна седумнаесет. Тесно соработуваме со локалните власти за развој на туризмот и деловните односи. Дополнително, ние континуирано го прошируваме нашето присуство во овој регион со инвестирање во иновативни технологии и искуството на патниците“.
