Сите кои годинава ќе го прослават својот 18-ти роденден, од 1 март ќе добијат џепарлак од 100 евра од Германија.
Условот, пишува магазинот „Феникс“, е оваа сума да се користи за културна промоција, на пример, за купување билети за концерти, театарски претстави, кина, музеи, фестивали или паркови, книги, звучни снимки, ноти или музички инструменти.
Со цел да се добие т.н џепарлак од државата, младите мора да аплицираат за „KulturPass“. Потребна е лична карта и соодветен пин. Сметката потоа ќе биде активирана на нивниот 18-ти роденден.
Различните понуди потоа може да се резервираат преку поврзаната веб-локација или апликација. Учесниците можат да го користат овој буџет до 31 декември 2024 година.
Оние кои лани го прославија својот осумнаесетти роденден преку Културпас добија двојно повеќе пари отколку што ќе биде случајот за годинешните славеници, 200 евра. Сојузната влада намалувањето на сумата на пари во однос на претходната година го оправдува со општата буџетска состојба.
