Германската метална и електрична индустрија отпушти десетици илјади луѓе оваа година, а 2025 година се заканува да продолжи со таквиот тренд, според претседателот на здружението на работодавачи Гезамтметал.
„Нашата индустрија изгуби околу 45.800 работни места минатата година“, изјави Стефан Волф за ДПА.
Повеќе од една третина од компаниите планираа дополнителни отпуштања во декември.
Состојбата со нарачките во моментов се проценува дека е исто толку лошо како што беше за време на екот на финансиската криза во 2009 година или пандемијата во 2020 година.
„За 2024 година очекуваме вкупен пад на производството од 6,5 отсто“, рече Волф. Пресврт на хоризонтот нема ниту во следната година, туку натамошен пад од 2,5 отсто во однос на годинава.
Задачата на идната влада, додаде тој, ќе биде Германија повторно да стане конкурентен економски центар.
Гезамтметал бара, меѓу другото, намалување на бирократијата, особено со укинување на законот за синџирот на снабдување.
Потребни се и намалување на даноците и ограничување на придонесите за социјално осигурување до 40 отсто, велат од здружението. Потребно е и намалување на трошоците за енергија, особено преку контрола на мрежните тарифи.
Волф сака следната влада, по изборите на 23 февруари, да ја формираат демохристијаните (ЦДУ/ЦСУ) и либералите (ФДП).
„Тоа е единствениот начин на кој може да успее потребниот економски пресврт во нашата земја.
Волф го гледа преземањето на функцијата од страна на Доналд Трамп и поврзаната закана од повисоки царини за индустриските производи, вклучително и оние од Европа, со „голема загриженост“.
„Протекционистичките мерки може да бидат корисни за една земја на краток рок, но никогаш немале позитивен ефект на долг рок“, посочи тој.
Главниот економист на Дека банка Улрих Катер предупреди во весникот Augsburger Allgemeine дека, без реформи, Германија ќе продолжи да заостанува зад другите индустријализирани земји.
„Германската економија стана случај за закрепнување“, предупреди Катер.
Јерг Кремер, главен економист на Комерцбанка, исто така повика на економски реформи по изборите: „На Германија и треба нов почеток во економската политика“.
