Германскиот производител на летечко такси Volocopter прогласи банкрот додека бара нов инвеститор, соопшти компанијата од своето седиште во Бручал, недалеку од Карлсруе.
Компанијата има потреба од финансиски средства кои ќе и овозможат да ги направи последните чекори за излез на пазарот“, вели новиот стечаен управител назначен од судот.
На Volocopter сè уште му треба сертификат за тип од Агенцијата за воздухопловна безбедност на Европската унија (EASA) за неговото електрично возило за вертикално полетување и слетување (eVTOL) за да може да превезува патници.
Волокоптер постапува со претпоставка дека следната година ќе се најде инвеститор и покрај тоа што во четврток поднесе стечајна постапка.
„Во националната и меѓународната конкуренција, технички сме далеку напред, во однос на искуството во летање и во процесот на сертификација“, рече извршниот директор Дирк Хоке. Тој треба да ја напушти компанијата на крајот на февруари.
Минатата недела германскиот пионер во производството на мали електрични авиони Лилиум најде инвеститор кој ќе го спаси од банкрот. Конзорциумот инвеститори, Mobile Uplift Corporation, потпиша договор за купување на стартап кој развива мали електрични авиони со вертикално полетување и слетување во последните десет години, потсетува агенцијата Dpa.
