Просечната пензија во Хрватска е 553 евра, додека дури 26 отсто од пензионерите преживуваат со најнискиот месечен надоместок од само 395 евра, објави порталот Мировина.
Просекот се искачува на 623 евра кога се исклучуваат оние што добиваат најмалку, а се додаваат оние со најмногу, објави Пословни дневник.
Медиумите јавуваат дека просечните надоместоци за бранителите се над 1.200 евра, а на пратениците над 2.000 евра.
Просечната пензија на сите 1.227.747 корисници во декември изнесувала 553 евра, а без корисниците кои според меѓународните договори во просек примаат пензии од 170 евра, просечниот надоместок се искачува на 623 евра.
Разликите меѓу градовите се видливи, па пензиите се најниски во Вуковар, а највисоки во Загреб, Риека и Дубровник, забележуваат медиумите.
Во овој просек не се вклучени само пензиите на вработените, туку и оние кои се целосно или делумно остварени според посебни прописи, а без нив просечната пензија изнесува 507 евра, покажуваат податоците на Заводот за пензиско осигурување.
