Во Хрватска во јануари се продадени 4.461 нов автомобил, што е за 33 отсто повеќе од минатиот јануари кога беа продадени 3.346, покажуваат податоците на „Промоција плус“ врз основа на евиденцијата за регистрација.
Најмногу нови возила продала Škoda – 616, потоа Opel со 349 и Volkswagen со 336. Повеќе од триста возила продале и Toyota (318), Suzuki (317) и Dacia (309).
Најпродаван модел беше Opel Corsa со продадени 312 примероци, а по неа е „Skoda Octavia“ со 258 продадени нови возила. Suzuki SX4 беше продаден во 159 примероци, Dacia Duster во 145 и Suzuki Vitara во 127 примероци.
Во првиот месец од годинава хрватските граѓани најмногу купувале автомобили на бензин и хибриди.
Автомобили на бензин се продадени 2.057 или 46,1 отсто од вкупната продажба, хибриди 1.354 или 30,4 отсто. Дизел моторот го избрале 830 клиенти, или 18,6 отсто, а плинскиот мотор 124 или 2,8 отсто.
Целосно електричниот модел го купиле 96 хрватски граѓани или 2,2 отсто.
