Конзервираната туна во Европа има висока концентрација на жива која ја надминува границата забележана кај другите видови риби.
Ова го наведува во последниот извештај невладината Блум која се занимава со зачувување на морската средина и Фудвоч организација за правата на потрошувачите.
Невладините анализираа речиси 150 лименки туна од пет европски земји – Германија, Велика Британија, Шпанија, Франција и Италија.
Откриле дека сите производи содржеле жива и дека дури 57 отсто од мострите ја надминале границата од 0,3 PPM, што важи и за другите риби, пишуваат медиумите.
„Она што завршува на нашите чинии претставува огромен ризик за јавното здравје што не се сфаќа сериозно“, изјави за новинарите Карин Жакмарт, извршен директор на организацијата Foodwatch од Франција.
