Тековната трговска војна меѓу САД и Кина продолжува, а Пекинг најави дека дополнително ги зголемува царините за американските стоки.
Само два дена откако ги зголемија царините на 84 отсто, Кина објави дека новите царини за американските стоки ќе изнесуваат 125 отсто.
Тоа е во согласност со шемата што се појави во оваа трговска војна, каде што Кина одговори на зголемувањата на царините наметнати од Америка.
Одлуката на Пекинг доаѓа само еден ден откако Трамп објави дека царините за стоки од Кина ќе изнесуваат 145 отсто.
Трговско-царинската војна ја коментираше и претседателот на Кина, Си Џинпинг, кој рече дека во оваа борба нема да има победници.
„Одење против светот само ќе доведе до изолација“, рече Си.
Иако Доналд Трамп ја „замрзна“ својата одлука за царини на 90 дена за повеќето земји, оваа одлука нема да биде насочена кон Кина.
Овој потег најдобро се одрази на берзите ширум светот, а со големо внимание беше проследено и отворањето на азиските берзански индекси.
Очекувано, јапонскиот Nikkei 225 падна за 4,5 отсто, јужнокорејскиот Kospi за 1,7 отсто, индексот на Хонг Конг падна за 0,7 отсто, а австралискиот ASX 200 падна -1,6 отсто на почетокот на денот.
Единствените индекси кои забележаа исклучително мали добивки беа Шангај 0,1 отсто и Таиекс во Тајван 0,2 отсто.
