Бразилскиот претседател Луис Инасио Лула да Силва изјави дека неговата администрација го разгледува „предлогот да се приклучи“ на иницијативата „Појас и пат“, главниот кинески инфраструктурен и инвестициски проект, пишува „Саут Чајна Морнинг пост“.
Како што се наведува, Лула изразил отвореност за приклучување кон иницијативата се додека таа, како што наведе, „донесува опипливи резултати“.
„Бидејќи Кина сака да зборува за овој пат на свилата (претходното име на иницијативата), ќе треба да подготвиме предлог за да го оцениме она што го добиваме, кои се придобивките за Бразил ако учествуваме во оваа работа?
Ова е прв пат бразилската влада отворено да објави можност за приклучување кон кинеската иницијатива, и покрај тоа што Кина упати неколку покани во минатото, пишува весникот.
Бразил не сакаше да се приклучи на трговската и инфраструктурната мрежа со Кина и е една од трите јужноамерикански земји кои не учествуваат во проектот, заедно со Колумбија и Парагвај.
Бразил и Кина годинава слават 50 години билатерални односи, а се очекува кинескиот претседател Си Џинпинг да присуствува на самитот на Г-20 во Рио де Жанеиро во ноември.
Лула во четвртокот изјави дека ќе биде гостин на самитот на Азиско-пацифичката економска соработка (АПЕК), кој се одржува во Перу во ноември, според кинескиот весник.
