Бразилскиот претседател Луис Инасио Лула да Силва изјави дека неговата земја ќе одговори на одлуката на американскиот претседател Доналд Трамп да воведе царини за увоз на челик.
Тој рече дека Бразил или ќе поднесе жалба до Светската трговска организација (СТО) или ќе ги оданочи американските производи.
„Слушам дека сега ќе го оданочат бразилскиот челик. Ако го сторат тоа, ние ќе реагираме комерцијално, или со поднесување жалба во СТО или со оданочување на производите што ги увезуваме од нив“, рече Лула.
Бразил е земјата од која САД увезуваат најмногу челик.
Трамп претходно оваа недела значително ги зголеми царините за увоз на челик и алуминиум на 25 отсто „без исклучоци“.
Тарифата од 25 отсто за увоз на челик и алуминиум, објавена оваа недела, нема да стапи на сила до првата недела од март.
