Студентите најавија голем протест кој ќе се одржи во понеделник на 24 март во Белград. Детали за протестот не објавија, само рекоа дека овојпат протестите ќе се одржат „за Генералштабот“.
Протестите се насочени против најавената изградба на луксузен комплекс од Џаред Кушнер, зет на американскиот претседател Доналд Трамп, во центарот на Белград, каде се наоѓа комплексот на Генералштабот, чии делови беа уништени во бомбардирањето на НАТО во 1999 година.
Владата предводена од претседателот на Српската напредна партија (СНС) Милош Вучевиќ го укина статусот на културен имот за зградите на поранешниот штаб на ЈНА и Министерството за одбрана, кои се одвоени од седиштето на српската извршна влада со улицата Кнез Милош.
Планот е да се изгради луксузен хотел со деловен простор и повеќе од 1.500 апартмани во центарот на Белград, со два облакодери во средината.
Дополнително, студентите од Факултетот за политички науки (ФПН) во блокадата ја објавија локацијата на телевизијата Информер на Инстаграм и порачаа: „Подгответе се“.
