Александер Де Кро, премиер на Белгија, која претседава со Европската унија, смета дека на Унијата и се потребни повеќе пари.
Повикот за повеќе пари дојде во моментот на ревизија на буџетот на ЕУ за периодот од 2021 до 2027 година. Земјите-членки претходно се спротивставија на барањето на Европската комисија за 66 милијарди евра дополнителни пари за покривање на непредвидени трошоци, како што се трошоците за долгот настанат за време на пандемијата на коронавирусот.
Откако Де Кро изјави дека на Унијата и требаат повеќе пари, се претпоставува дека ќе следуваат зголемувања на даноците. Либералниот премиер на Белгија одби да прецизира како ќе бидат обезбедени парите.
„Ако сакаме добра дискусија, нема да коментирам“, рече тој во интервју за надворешнополитичкиот магазин „Политико“.
Главно земјите-членки од источниот дел на континентот се против трансферот на даночните приходи во Брисел. Холандија и нордиските земји постојано бараа намалување на буџетот на ЕУ.
