Повеќе од 100 милиони Американци или третина од целото население на земјата ќе користат криптовалути до 2028 година, пренесува специјализираниот портал Altindeks.
Според извештаите, во 2024 година вкупно 88 милиони луѓе во САД ќе користат криптовалути за да плаќаат за стоки и услуги, инвестиции, тргување, трансфери на фондови и за други цели, што е за 15 милиони луѓе повеќе од минатата година, според податоците од порталот Statista.
Соединетите Американски Држави годинава ќе имаат најголем број корисници на криптовалути во светот, а потоа следат Русија со 33 милиони корисници, Јапонија со 23 милиони, Велика Британија со 20 милиони и Германија со 17 милиони.
Според прогнозата на експертите, приходот на глобалниот пазар на криптовалути ќе изнесува 51 милијарда долари во 2024 година, а повеќе од половина од оваа сума ќе биде генерирана во САД.
Во 2017 година, само пет милиони луѓе во САД користеа криптовалути, а во текот на следните четири години, бројот на корисници се зголеми седумкратно, на 37 милиони во 2021 година.
