Унгарија денес потврди дека потпишала десетгодишен договор со француската компанија Engy за испорака на четири милијарди кубни метри гас годишно во форма на LNG (течен природен гас).
Како што најави унгарскиот министер за надворешни работи, Петер Сијарто, договорот ќе стапи на сила во 2028 година.
„Нашето снабдување со енергија е безбедно само ако можеме да увезуваме од што е можно повеќе извори и правци. Диверзификацијата значи додавање нови извори, а воедно и одржување на постојните“, напиша Сијарто на Твитер.
Според податоците од италијанската компанија Eni, Унгарија увезла 8,2 милијарди кубни метри гас во 2023 и 2024 година, од кои најголемиот дел доаѓа од Русија – околу 6,8 милијарди кубни метри годишно.
Рускиот гас пристигнува во земјата преку Турски тек, како дел од долгорочен договор со Газпром потпишан во 2021 година за 15 години. Во основниот договор во 2023 година е додадено посебно право за купување дополнителни количини, пренесува Интерфакс.
