Американскиот претседател Доналд Трамп, за време на средбата со јужноафриканскиот претседател Сирил Рамафоса во Белата куќа, го начека Рамафоса во заседа.
Имено, тој го поздрави Рамафоса со петминутен видео клип, за кој тврдеше дека се однесува на обвинувања за геноцид врз белото население во ЈАР. Светлата беа пригушени за време на видео емитувањето на големите екрани во Овалната соба на Белата куќа.
„Имаме илјадници приказни што зборуваат за тоа. Имаме документарци, имаме стории во весници. Можам да ви покажам неколку работи“, рече Трамп.
После тоа, тој ги замоли своите вработени да го вклучат светлото. Гореспоменатата снимка подоцна беше објавена на страната на Белата куќа на социјалната мрежа X, а станува збор за „Доказ за прогон во Јужна Африка“.
Рамафоса отпрвин се насмеа, но потоа се чинеше дека му е непријатно. Во еден момент, тој го праша Трамп дали му кажале каде е, на што Трамп ја затресе главата.
„Би сакал да знам каде е бидејќи никогаш не сум го видел ова“, му рече јужноафриканскиот претседател, а Трамп му рече дека е во Јужна Африка.
Кога еден новинар го прашал што би сакал Рамафоса да направи во врска со она што се гледа на видеото, Трамп одговорил дека не знае. За време на состанокот, Рамафоса негираше дека се врши геноцид врз белото население во неговата земја.
Неколку членови на администрацијата на Трамп, вклучувајќи го и мултимилијардерот Илон Маск, кој е роден во Јужна Африка, претходно ја обвинија владата на оваа земја за прогон на белците како малцинство, пренесува CNN.
