Прометот во македонската индустрија во декември 2023 година е за 1,6 отсто поголем од декември 2022 година.
Вкупниот промет по индустриски групи во декември 2023 година во однос на декември 2022 година е поголем кај Капиталните производи за 0,6 отсто и Нетрајните производи за широка потрошувачка за 8,1 отсто, а помал кај Интермедијарните производи, освен енергијата, за 2,9 отсто и Трајните производи за широка потрошувачка за 6,9 отсто.
Вкупниот промет на индустријата во декември е помал за 14,2% во однос на ноември 2023 година.
На домашниот пазар, прометот во индустријата во декември 2023 година е намален за 0,1 отсто во однос на декември 2022 година.
Прометот е поголем кај Капиталните производи за 1,9 отсто и Нетрајните производи за широка потрошувачка за 7,9 отсто.
На странскиот пазар, прометот во индустријата бележи пораст во декември 2023 година за 2,3% во однос на декември 2022 година.
