Минималната плата предизборно повторно ќе се покачи. Информацијата за зголемувањето на минималецот на Фејсбук го најави министерот за економија Крешник Бектеши, кој кажа дека од март, најниската плата во Македонија ќе изнесува 22.500 денари.
„Најниската плата во земјава од март 2024 година ќе биде 22.500 денари. Повеќе од двојно зголемување од минималната плата во 2017 година“, соопшти Бектеши.
Во моментов, минималната плата во Македонија изнесува 20.175 денари, откако во март минатата година се донесоа измените на Законот за минимална плата, со што се донесе и методологијата, висината на минималната плата да се усогласува со 50 проценти од порастот на трошоците на живот и 50 проценти од порастот на просечната плата во изминатата година.
