Деновиве во срцето на Белград се отвори нов премиум хотел „Редисон РЕД Белград“. Лоциран на улица Таковска, во близина на Народното собрание, хотелот носи уникатен спој на традиција и луксуз.
Претходно познат како „88 Rooms“, хотелот претрпе целосно ребрендирање, а токму хотелите на „Radisson RED“ се дизајнирани да бидат функционални и „кул“ за да ги задоволат потребите на модерните гости.
Во понуда се 88 сместувачки единици, меѓу кои и три апартмани. Покрај удобното сместување, хотелот нуди модерен ресторан, бар, простор за соработка и сали за состаноци, што го прави идеално место за деловни состаноци или релаксација по истражувањето на градот.
Уникатноста на овие отворени простори со детали како камин или маса за билјард даваат дополнителни можности за организирање настани со вкусна, локална гастрономска понуда, забава со диџеј или едноставно дружење во заедничката дневна соба.
За оние кои сакаат да тренираат, 7-ми кат нуди простран фитнес центар опремен со модерна линија на опрема „Techno Gym“, со прекрасен поглед на градот.
