Денеска официјално е отворен производствениот капацитет на луксембуршката компанија OCSiAl, најголемиот светски производител на графенски наноцевки.
Фабриката за производство на графенски наноцевки во Србија се простира на површина од 10.000 метри квадратни, ќе вработи 200 луѓе, а вкупната вредност на инвестицијата е 40 милиони евра.
Фабриката OCSiAl во Србија ќе биде единствена во светот поради своето работење и се очекува да има позитивно влијание врз развојот на автомобилската, воздухопловната, електронската, градежната, нафтената, гасната и другите индустрии, велат од групацијата OCSiAl.
Посочуваат и дека проектот има голем извозен потенцијал и нуди нови можности за вработување.
Централата е проектирана во согласност со принципите за заштита на животната средина и целосно ќе ја користи електричната енергија добиена од хидроцентралите.
Графенските наноцевки со висок квалитет и уникатни карактеристики произведени од OCSiAl се користат во производството на нови материјали и ги подобруваат специфичните својства на повеќе од 50 проценти од сите индустриски материјали на светскиот пазар.
Компанијата е основана во 2010 година во Луксембург и е присутна во повеќе од 50 земји низ светот.
