На освојувачите на медали на претстојните Олимписки игри во Париз ќе им биде доделено парче од Ајфеловата кула, соопштија организаторите во четвртокот, откривајќи ги медалите на кои се вградени жетони во облик на шестоаголници, исковани од старо железо од најпознатиот париски споменик.
Идејата беше игрите да се поврзат со симболите на Франција, изјави Тјери Ребул, креативен директор на ОИ Париз 2024 година.
Апсолутен симбол на Париз и Франција е Ајфеловата кула“, рече Ребул. „Тоа е можност спортистите да понесат парче Париз со себе.
Жетоните во форма на шестоаголник што ја претставуваат формата на Франција, тешки 18 грама, се дизајнирани од златарот Шауме, а се направени од железо од минатите реновирање на Ајфеловата кула што со години се чувале во магацин чија локација е тајна.
Тие се наоѓаат во центарот на златните, сребрените и бронзените медали, опкружени со жлебови кои личат на зраци на светлина што зрачат нанадвор. На задната страна на медалите е прикажана грчката божица на победата, Ника, како се движи напред, со Акропол на едната и Ајфеловата кула од другата страна. На работ на медалот се пишува дисциплината за која се доделува медалот.
Секој медал е со дијаметар од 85 mm, дебелина од 9,2 mm и различна тежина – 529 g за злато, 525 g за сребро и 455 g за бронза.
Параолимписките медали покажуваат поглед на Ајфеловата кула одоздола и имаат печат Париз 2024 година со брајово писмо – почит на Французинот кој ја измислил.
Француската ковачница Monnaie de Paris ќе произведе вкупно 5.084 медали.
