„Тикток“ планира да отпушти голем број работници ширум светот.
Отпуштањата особено ќе ги погодат тимовите кои се занимаваат со поддршка на клиентите и комуникации, како и со содржина и маркетинг, објави Си-Ен-Ен, повикувајќи се на неименувани извори во компанијата.
Тековниот глобален тим за операции на корисници на Тикток ќе биде распуштен, а преостанатите вработени ќе бидат распоредени низ тимовите за доверба и безбедност, маркетинг, содржина и производи, велат изворите.
Не е јасно точно колку луѓе ќе останат без работа, бидејќи изворите забележуваат само дека тоа е „голем процент“ од околу 1.000 вработени кои работат во споменатите тимови.
Во 2023 година, Тикток откри дека има 7.000 вработени само во Соединетите Држави.
Отпуштањата се во тек веќе некое време и не се поврзани со тековните правни и политички превирања околу Тикток во САД, велат изворите.
