Бројот на милионери драматично се зголеми во Германија за време на пандемијата, објави Федералниот завод за статистика – Дестатис.
Бројот на граѓани кои пријавиле најмалку еден милион оданочливи евра во 2021 година се зголемил на околу 34.500, објави Investor.
Тоа се 5.200 или 18 проценти повеќе милионери отколку претходната година, според статистичарите, забележувајќи дека толку голем скок делумно може да се припише на силната инфлација што го одбележа тој период.
Најголемиот број милионери, дури 60 проценти, се збогатиле преку сопствен бизнис. Самовработените учествувале со 15 проценти, додека вработените со 19 проценти.
Просечниот износ пријавен во даночните пријави бил 2,8 милиони евра. Во 2021 година имало 134.000 даночни обврзници во највисоката даночна категорија, која вклучува стапка од 45 проценти.
Тие учествувале само со 0,3 проценти од сите даночни случаи во Германија, но платиле 7,8 проценти од вкупниот приход и пријавиле 15,7 проценти од вкупниот оданочлив износ.
