Шпанија веќе извесно време се бори против масовниот туризам, а од декември стапија на сила новите мерки за подобрување на безбедноста во земјата.
Тие вклучуваат собирање на детални податоци од туристите при пријавување во хотели, апартмани, како и при изнајмување автомобил.
Новите прописи за домување вклучуваат листа на лични информации кои се бараат од сите лица над 14 години, како што се: полно име, број на пасош, датум на раѓање, домашна адреса, број на мобилен телефон, адреса на е-пошта, детали за банкарска сметка.
Додека лицата помлади од 14 години нема да бидат обврзани да ги даваат овие информации, од возрасните кои патуваат со нив ќе се бара да го објаснат својот однос со децата.
Оваа мерка ќе има значително влијание врз туристите, бидејќи пријавувањето ќе биде комплицирано и ќе трае подолго.
Масовниот туризам е еден од водечките проблеми со кои се соочува оваа земја.
Овогодинешната летна сезона во Шпанија беше одбележана со бројни протести против масовниот туризам во популарните дестинации како Барселона, Мајорка и Канарските Острови.
Мештаните им рекоа на туристите дека не се добредојдени и дека не ги сакаат, па дури и ги нападнаа. Во Барселона, демонстрантите ги прскаа туристите со вода од пиштол, а на некои локации дури и им беше забранет влез на плажата.
На протестите во Палма де Мајорка се собраа и повеќе од 20.000 луѓе. Тие побараа ограничување на масовниот туризам, наведувајќи дека тоа им го расипува квалитетот на живот, како и дека туристите создаваат гужви, ја загрозуваат животната средина и прават врева.
Во Мајроча беа предложени низа мерки за борба против прекумерниот туризам: од забрана за пристигнување на одредени летови до ограничување на бројот на изнајмување автомобили и воопшто на бројот на туристи.
Официјални лица во Барселона уште во јуни ги објавија плановите за „ослободување“ на градот од становите во кои престојуваат туристи до крајот на 2028 година, а градоначалникот го опиша како „драстичен“, но многу потребен потег.
Речиси сигурно дека во 2025 година ќе се спроведат нови мерки, и со плаќање влезници на популарни локации и со ограничување на бројот на туристи.
