Стапката на невработеност во Полска падна во јуни од мајските 5 отсто на 4,9 отсто и сега е најниска во последните 34 години, од август 1990 година, објави денеска полската канцеларија за општа статистика (ГУС).
Бројот на регистрирани невработени во Полска е намален за 15.000 на 762.000 во јуни. додека во исто време бројот на слободни работни места во земјава е зголемен за 4.400 или вкупно 69.400.
Сезонски приспособената стапка на невработеност во еврозоната во мај изнесуваше 6,4 отсто, што значи дека од април е на историски минимум, објави неодамна Евростат.
Во Европската унија стапката на невработеност во мај изнесуваше шест отсто, што е исто како и во април, а беше забележано дека Полска има втора најниска стапка на невработеност во ЕУ по Чешка.
Минатата недела Европската централна банка предупреди дека и покрај трендот на намалување на инфлацијата ширум Европа, во услужниот сектор сè уште има „постојана инфлација“.