Во понеделникот, раководството на Фолксваген мораше да ја брани својата политика на штедење, која, според претставниците на синдикатите, вклучува затворање фабрики и отпуштање илјадници вработени.
„Факт е: Ситуацијата е сериозна, а одговорноста на преговарачките партнери е огромна“, најави претседателот на одделот за човечки ресурси на гигантот од Волфсбург, Гунар Килијан.
„Без сеопфатни мерки за враќање на конкурентноста, нема да можеме да си дозволиме идни инвестиции“, рече Килијан, без да даде дополнителни детали.
Работничкиот совет на Фолксваген претходно изјави дека раководството планира да затвори три фабрики во Германија и да укине десетици илјади работни места, пренесува dpa.
„Ние се придржуваме до принципот прво да разговараме за иднината на Фолксваген внатрешно со нашите партнери во преговорите“, објави Килијан.
За следната рунда разговори со вработените во среда тој најави само „конкретни предлози за намалување на трошоците за работна сила“.
Томас Шефер, директор на Volkswagen, најголемата марка во истоимената групација, планираните мерки ги оправда со зголемените трошоци за производство во Германија.
„Не можеме да продолжиме како што правевме досега“, ја цитира Volkswagen неговата изјава.
„Германските погони не се доволно продуктивни и сега се 25 до 50 проценти над планираното“.
Според него, „поединечни погони се двојно поскапи од конкуренцијата“.
Фолксваген има за цел да го зголеми приходот на 6,5 отсто од обртот до 2026 година. Тоа е единствениот начин, додаде Шефер, дека ќе може да ги финансира потребните инвестиции.
