Вкупното производство на накит во Европската унија достигна 4,36 милијарди евра во 2023 година, што е зголемување за еден процент во однос на претходната година (4,32 милијарди евра), објави Евростат.
Заводот за статистика на ЕУ забележува дека Италија е водечки производител, со вкупна вредност од 1,55 милијарди евра (36 отсто од вкупното производство на ЕУ).
Следува Франција со 1,44 милијарди евра (33 отсто), пред Германија со 507 милиони евра (12 отсто).
Најголем релативен пораст на вредноста на производството на накит е забележан во Хрватска (26 отсто), Чешка (25 отсто) и Ирска (20 отсто).
За разлика од нив, најголем пад е забележан во Литванија (36 отсто), Летонија (16 отсто) и Италија (8,0 отсто).
