Во холандскиот град Утрехт, постои населба која сè уште е во изградба, Мерведеканаалзон, чии жители мора да го делат секој автомобил.
Имено, има еден автомобил наменет за споделување на три станбени единици, а нема простор за приватни автомобили. Всушност, жителите се охрабруваат да користат велосипеди, јавен превоз или споделување автомобили.
Мерведеканаалзон е населба за одржливо живеење од 12 илјади луѓе. Зелените површини доминираат на фасадите и дворовите. Сè што основно му е потребно на населението е достапно на пешачка оддалеченост. Населбата е поврзана со центарот на Утрехт со велосипедски патеки. Нејзината изградба започна во раните 2000-ти, а ги доби своите први жители минатата година.
Граѓаните на Утрехт користат велосипеди како превозно средство секој ден. Поточно, две третини од 378.400 жители одат во градот со велосипед секој ден, кој е познат во светот по најголемиот паркинг за велосипеди – има капацитет за 12.500 велосипеди.
Треба да се запомни дека Холандија е земја каде што има повеќе велосипеди отколку жители.
