Речиси секоја трета компанија која работи во Србија нема вработени, а според податоците од минатогодишните финансиски извештаи ги имало 32.139. Во текот на 2022 година бројот на вакви компании се намалил за 393, пишува Бета.
„Анализата од аспект на бројот на вработени покажува дека, по фирмите без вработени, најмногу имало оние кои вработиле од двајца до пет работници – 27.850 фирми и во нив биле вработени вкупно 84.792 работници. По нив следат фирми со еден работник, од кои 24.226“, наведува Агенцијата за деловни регистри во публикацијата за деловно работење.
Компаниите без вработени ја сочинуваат најголемата група на компании во Србија. По нив следуваат компании со два до пет вработени. Кога станува збор за фирмите без работници, тие лани потрошиле 6,5 милијарди динари за плати на вработените, односно директорите, а таа сума е за 68 отсто поголема од претходната година. Како што е наведено, практиката знае неколку типични примери кога компаниите немаат вработени.
Најчесто, основачот и директорот е државјанин на Србија, а е вработен со полно работно време во друга фирма. Друга опција е основачот и директорот да биде странец, кој е вработен во земја со која Србија има потпишано договор за социјално осигурување.
И анализата на Агенцијата за економски регистри покажува дека во трговијата на големо и на мало е најголем бројот на фирми без работници – 9.244. Втор сектор по застапеност е преработувачката индустрија – 4.479. По нив следат стручни, научни, иновациски и технички дејности со 4.120 вакви компании, а во градежништвото има и 3.505.
