Мостот Хуаџијанг во кинеската покраина Гуиџоу, кој треба да биде отворен до крајот на септември оваа година, станува вистинска атракција.
По завршувањето, мостот Хуаџијанг ќе стане највисокиот во светот – издигнувајќи се 625 метри над кањонот на реката Бејпан.
Бројките се навистина неверојатни: вкупната должина на мостот е 2.880 метри, главниот распон 1.420 метри, а челичната конструкција тежи над 22.000 тони.
Изградбата траела малку повеќе од три години, а мостот ги поврзува градовите Лиужи и Анлонг, пробивајќи низ непристапен терен кој со децении е голем проблем со сообраќајот.
Гуиџоу е 92 проценти покриен со планини и карпи, што е катастрофа за секојдневно патување. Наместо да градат долги и кривулести тунели, Кинезите едноставно ги отстраниле планинските врвови за да направат место за нов автопат.
Порано беа потребни речиси два часа за да се помине овој кањон, додека мостот Хуаџијанг ќе го скрати времето на поминување за верувале или не само две минути.
За туристите е подготвено нешто посебно. Се инсталира стаклен лифт кој ќе ги носи посетителите до платформата за набљудување, каде што ќе има бар и кафуле лоцирани 145 метри над патот за набљудување ѕвезди. Планирани се и панорамски платформи, па дури и банџи.
Проектот започна во 2022 година, а отворањето на мостот е планирано за крајот на септември 2025 година, додека туристичките капацитети ќе бидат воведени во фази.
