Велика Британија добива значаен финансиски импулс од прекуокеанските партнери, откако група американски компании најавија нови вложувања во износ од 1,7 милијарди долари. Веста доаѓа во период кога вниманието на јавноста е насочено кон претстојната посета на американскиит претседател Доналд Трамп.
Според првичните информации, средствата ќе бидат насочени во клучни области како технолошки развој, фармацевтска индустрија и енергетика. Британската влада го поздрави потегот, нагласувајќи дека станува збор за „практична потврда“ на довербата што инвеститорите ја имаат во стабилноста на британската економија.
„Ова е силна порака дека Велика Британија останува привлечна за големи глобални компании, дури и во услови на геополитички промени,“ изјави министерот за трговија.
Од американска страна, инвеститорите потенцираат дека соработката со британскиот пазар носи долгорочни придобивки, особено поради високо квалификуваната работна сила и јасната регулаторна рамка.
Иако економските пораки се позитивни, аналитичарите предупредуваат дека исходот на претстојните политички разговори ќе биде клучен за понатамошното продлабочување на соработката. Посетата на Трамп, велат тие, ќе отвори прашања за идните трговски договори и билатералните односи во постбрегзит контекст.
Новите инвестиции, сепак, испраќаат сигнал дека САД и Велика Британија се подготвени да ја продлабочат економската врска, без оглед на политичките предизвици што претстојат.
